Şou-biznes

Fərqanə Qasımovanın “Nəva” muğamı Fransada - VİDEO

10 Dekabr 2019 17:04
0 Şərh     Baxış: 2 723
VTB-də minimal faiz dərəcəsi ilə nağd kredit 9.9%-dən
#ƏMƏKDAR ARTİST #KONSERT

 Əməkdar artist, xanəndə Fərqanə Qasımova hazırda Parisdə qastroldadır.

Milli.Az axşam.az-a istinadən xəbər verir ki, sənətçi paytaxtın "Alliance Francaise" Teatrında çıxışa imza atıb.

Anşlaqla keçən konsertin ən yadda qalan məqamı F.Qasımovanın bir neçə il öncə yenidən səhnəyə qaytardığı Nəva muğamını ifa etməsi olub.

"Nəvanı burada səsləndirdim və tamaşaçıların göstərdiyi maraq məni heyrətə gətirdi. Bizi 4 dəfə alqışla səhnəyə qaytardılar. Uçmağa qadanım olmadı" deyə, xanəndə təəssüratlarını bölüşüb. 

Xatırladaq ki, "Nəva" Azərbaycan muğamları içərisində unudulmuş muğam dəsgahı hesab edilir. Belə ki, bu muğam uzun illərdir ifa edilmirdi. Xanəndə 2015-ci ildə sözügedən muğama müraciət edərkən onu yenidən yada salıb.

Onu da qeyd edək ki, F.Qasımovanın səfəri davam edir. O, 11 dekabr tarixində Brest şəhərində master klass keçəcək. Burada təxminən 12 xarici ölkədən musiqiçi və tələbələr iştirak edəcək.  12 dekabr isə elə həmin şəhərdə 2 saatlıq konsert proqramı ilə çıxış edəcək. Sənətçini Rauf İslamov, Zəki Vəliyev və Cavidan Nəbiyev müşayiət edirlər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.