Şou-biznes

Yol polisi xanım müğənnini cərimələdi

14 Avqust 2019 09:59

2 Şərh Baxış: 4 893

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #CƏMİYYƏT

Yol polisi Yasamal rayonunda reyd keçirib.

Milli.Az Xəzərxəbər-ə istinadla bildirir ki, rayon poilis idarəsinin yol polis şöbəsinin əməkdaşları Mətbuat prospektində avtomobili qadağan olunmuş ərazilərdə park edən sürücülərə qarşı reyd keçirib. Məqsəd rayon ərazisində piyadaların təhlükəsizliyini təmin etməkdir.

Polisin ərazidə xidmət aparmasına baxmayaraq bəzi sürücülər yollarını qısaltmaq üçün piyadaların həyatını təhlükəyə ataraq səki ilə hərəkət ediblər. Saxlanılan zaman sürücülərdən biri ərazinin səki olmasından xəbərsiz olduğunu deyib. Səkidə avtomobilini saxlayanlar arasında müğənni Zemfira İbrahimova da olub.

Qeyd edək ki, səkidə park edilən avtomobillərə görə bir çox piyada yolun hərəkət hissəsinə çıxaraq gedib. Bu da piyadaların vurulması riskini yaradır. Xidmətdə olan polislər təhlükəsizliyi təmin etmək məqsədi ilə piyadalara qarşı da tədbirlər görüb. Qanunsuz yerdən keçən piyadalar saxlanılaraq onlara törətdikləri inzibati xəta izah edilib.

Yasamal rayon yol polis şöbəsinin rəis müavini Emil Seyidov deyib ki, mütəmadi keçirilən reyddə məqsəd yol hərəkəti iştirakçılarını cərimələmək yox, onları maarifləndirməkdir.

Qeyd edək ki, reyd zamanı 10-dən çox sürücüyə inzibati qaydada protokol tərtib edilib.

Milli.Az