Şou-biznes

"Bunu etməsəydim, 300 min cərimə ödəyəcəkdim" - Anar

19 Noyabr 2018 12:37
0 Şərh     Baxış: 4 404
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yeniliklərim haqda danışa bilmərəm. Çünki cərimə oluna bilərəm. Həmin gün səhnəyə çıxmasaydım, 300 min dollar cərimə ödəməliydim. Ona görə də hər şey gizli qalmalıdır.

Milli.Az xəbər verir ki, bu sözləri axşam.az-a açıqlamasında stilist Anar Ağakişiyev deyib. O, bir müddət əvvəl Braziliyada keçdiyi ustad dərslərindən danışıb. Anar eyni zamanda yeni səfərlərini açıqlayıb:  

"Amerika, Dubay və Rusiya olmalıdır. Seçimlər gedir. Mən alışmamışam 1500 nəfərlik auditoriyanın qarşısına çıxam. Bir çoxları bilmirəm nə deyir. Amma bu yaxınlarda canlı karifey Afaq Bəşirqızının müsahibəsini izlədim. Çox gözəl sözlər dedi: Əgər bir artist səhnəyə dikdaban səsi ilə çıxır və qayıdırsa, bu onun bitməsi deməkdir. Amma mən artıq 18 ildir işləyirəm. Karyeramın ən pik nöqtəsindəyəm, alqış səslərini eşidirəmsə, deməli, bu hələ başlanğıcdır".
 
Keçdiyi dərslərdən aldığı qonorarla bağlı suala isə Ağakişiyev belə cavab verib:

"Maddi tərəfdən də, sadəcə, 5 faiz mənim olur. Qalanları müqavilə imzaladığım şirkətlərin olur. O 5 faiz də bəs edir. O, bəlkə də mənim burada 3-4 aya qazandığım məbləğdir.

Dünyada bu iş üzrə master-class keçən iki şəxs var. Biri Kim Kardaşyanın vizajisti, biri də mən. Biz bir çoxları kimi otellərin restoranında eləmirik. Bu, çox ciddi kampaniyadır və qanunları var.

Ölkələri şirkət seçir. Onların içində danışmadığımız ölkələr yoxdur. Mən o cəhətdən həddən artıq vətənpərvərəm. Əvvəlcə müqavilə bağlayanda demişdim ki, milyard da olsa, o ölkə bizim turnemizin arasında olmayacaq".
 
Anar İnstaqram-da işlərini çox nümayiş etdirməməsinin səbəbini açıqlayıb:

"Heç nəyə qarışmıram. O qədər rahatam ki. Səhifəmdə də ustad dərslərimi əvvəl çox reklam etmirəm. Bir dəfə paylaşdım. O mənim işim deyil, şirkət edir. Buna görə pul qazanır.

İnstaqramı həm mən işlədirəm, həm də həmin şirkət. Onlar biznes işləri ilə məşğul olur. Özümlə bağlı paylaşımlar etməyə vaxtım olmur. Şəxsi həyatı qabartmağı çox sevmirəm.

İşim o qədər ağırdır ki, şəkillər çəkdirməyə və özümü reklam etməyə vaxtım olmur".

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.