Şou-biznes

Tanınmış azərbaycanlı müğənninin hamilə sevgilisindən şok iddialar

23 Aprel 2011 15:11
Baxış: 372
VTB-də minimal faiz dərəcəsi ilə nağd kredit 9.9%-dən
Day.Az-a müraciət edən Həsrət adlı qadın "Şipşirin" kimi tanınan müğənni və bəstəkar Elçin Cəfərov barəsində bir sıra qalmaqallı bəyanatlar verib. "Mən hazırda hamiləliyin yeddinci ayındayam. Vaxtilə birlikdə yaşadığım Elçin Cəfərovdan hamiləyəm. Bu, birinci dəfə deyil. Bundan əvvəl ondan hamilə qalanda abort etdirmişəm. Bu dəfə isə Elçinin dostlarından aldığım çoxsaylı hədələrə baxmayaraq, həmin addımı atmadım".

25 yaşlı Həsrət bildirib ki, üzləşdiyi vəziyyəti və münasibətlərinin qeyri-rəsmiliyini nəzərə alaraq susmaq istəyirmiş: "Amma uşağa atalıq verəcəyini, hətta ona atasının adını qoyacağını bildirən Elçin son vaxtlar mətbuatda bəyanatlar verir ki, tezliklə evlənəcək. Mən istəmirəm ki, bu şəxsin gələcək sevgilisi mənim taleyimi yaşasın və onu bu addımdan qorumaq istəyirəm".

Elçinin özü Day.Az-a açıqlamasında Həsrətlə yaxın tanışlığını etiraf edib: "Bəli, biz tanışıq. Mən istənilən normal və subay kişi kimi çox qızları tanıyıram. Amma heç vaxt şəxsi həyatımla bağlı bəyanatlar verməmişəm. O, hər şey danışa bilər. Mən bircə şeyi demək istəyirəm ki, özünə hörmət edən qadın belə bəyanatlar verməz".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.