Şou-biznes

Azərbaycanlı xəbər aparıcısı profilini dəyişdi - FOTO

31 Oktyabr 2014 14:33
4 Şərh     Baxış: 4 224
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

"Xəzər" televiziyasının xəbərlər proqramının və "Günə başlarkən" verilişinin keçmiş aparıcısı İqrar Eyvazov özünə daha bir iş yeri tapıb.

Həmkarı Vüsalə Şahvəliqızı ilə Radio Space 104FM-də yayımlanan "Xeyirli olsun" proqramını aparan Eyvazova "İnteraz" internet televiziyasındakı "Xeyirli sabahlar" proqramı həvalə olunub. Milli.Az bildirir ki, bu barədə publika.az-a açıqlama verən aparıcı bildirib ki, hazırda hər iki iş yerində işləyir və heç bir problem yoxdur:

"Radio Space-də canlı efirdir, burada isə videoyazıdır. Amma yəqin ki, yaxın vaxtlarda "Xeyirli sabahlar" da canlı yayımlanacaq. Bu verilişi mənimlə "Xəzər" televiziyasında birgə çalışmış Günel İsmayılqızı ilə birgə aparacağıq".
 
Əməkdaşımızın "Əyləncə xarakterli səhər verilişini aparmaq xəbər aparıcısı üçün çətin olmayacaq ki?" sualına Eyvazov belə cavab verib:
 
"Xəzər"də "Günə başlarkən" adlı səhər verilişinin də aparıcısı olmuşam. Təvazökarlıqdan uzaq olsa da deyim ki, Azərbaycanda belə aparıcılar çox deyil. Həm xəbər, həm də şou xarakterli verilişi aparmaq hər aparıcının işi deyil. Amma mən "Günə başlarkən"də işlədiyimə görə hər iki istiqamətdə yetişdim".
 
İ.Eyvazov "Xəzər"dən ayrılmağının səbəblərinə də aydınlıq gətirib:

"Oradan ayrılmağımın konkret səbəbi yoxdur. İndi də həm rəhbərliklə, həm əməkdaşlarla yaxşı münasibətlərim var. Sadəcə, işdən uzaqlaşıb, bir az istirahət etmək istədim".

Milli.Az

Böyütmək üçün şəkillərə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.