Şou-biznes

Mədinə Məlik: “15-16 yaşlı qızlar çölə lüt çıxırlar”

16 Avqust 2026 14:09

Baxış: 361

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #QALMAQAL #MÜĞƏNNİ

Müğənni Mədinə Məlik küçədə qarşılaşdığı açıq-saçıq geyimli şəxslərlə bağlı fikirlərini bölüşüb.

Milli.Az xəbər verir ki, sənətçi şəhərdə çox vaxt keçirdiyini və son dövrlərdə xüsusilə yeniyetmə qızların geyim tərzinin diqqətini çəkdiyini bildirib. O, bəzi geyimləri həddindən artıq açıq hesab etdiyini deyib:

"Şəhərdə çox vaxt keçirdim. Çox təəssüf hissi ilə deyirəm ki, baxdım 15-16 yaşlı gənc, gözəl qızlara, bildiyiniz lütdürlər. O geyimin adı şort deyil, alt geyimində çölə çıxıblar, adını da şort qoyublar".

Mədinə bu məsələdə ailələrin münasibətinin də önəmli olduğunu vurğulayıb. Onun sözlərinə görə, müasirlik adı altında geyimlə bağlı bütün sərhədlərin aradan qalxması düzgün deyil:

"Təəccüblənirəm ki, bunlar evdən çıxanda atası, qardaşı niyə heç nə demir? Deyəcəksiniz ki, müasirlikdir. Hər şeyin həddi var".

Müğənni daha sonra bədən quruluşuna uyğun olmayan geyimlərin seçilməsini də tənqid edib. O, bəzi qadınların dar geyimlərə üstünlük verməsinin xoş görüntü yaratmadığını düşünür: "Ətli-qanlı qadınlar da var, ağ, dar şalvar geyinirlər, sellülitlər pırtlayıb çıxır. Gözəl deyil axı, çöldə qoyursan. Mən görürəmsə, sən də güzgüdə özünü görürsən. Bu bədənin neyini çöldə qoyursan?"

Mədinə fikirlərinin sonunda geyim seçiminə münasibətini belə ifadə edib:

"Hər zaman deyirəm ki, gözəl bədəni çöldə qoymaq heyifdir, eybəcər bədəni isə çöldə qoymaq ayıbdır. Müğənnilərin adı çıxıb ki, pis geyinirlər".

Sənətçinin bu açıqlaması sosial şəbəkələrdə müzakirələrə səbəb olub. Onun fikirlərini dəstəkləyənlərlə yanaşı, geyim seçiminin şəxsi məsələ olduğunu bildirən istifadəçilər də olub.

Müəllif: Tural Hüseyn (Milli.Az redaktor)