Şou-biznes

Əməkdar artist oğlunun toyunda müğənnilərə qadağa qoyub

29 İyul 2026 16:00

Baxış: 560

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #TOY #MÜĞƏNNİ #ƏMƏKDAR ARTİST #AKTYOR

Əməkdar artist Nicat Kazımov toy məclislərində rast gəldiyi bəzi hallardan danışaraq həm aparıcılara, həm də müğənnilərə tövsiyələrini bölüşüb.

Milli.Az xəbər verir ki, aktyor bu barədə "Günə uğurla" verilişində qonaq olarkən danışıb. O bildirib ki, məclislərdə əsas diqqət musiqi seçiminə və proqramın axıcılığına yönəlməlidir.

Nicat Kazımovun sözlərinə görə, bəzi toy aparıcıları həddindən artıq danışır və bu, məclisin ab-havasına mənfi təsir göstərir. O hesab edir ki, toyun əsas yükünü düzgün seçilmiş mahnılar daşımalıdır.

Aktyor qeyd edib ki, ötən il baş tutan oğlu Sənanın toyunda da bu prinsiplərə xüsusi diqqət yetirib. Onun sözlərinə görə, həmin məclisdə bayağı mahnıların səsləndirilməsinə və bu üslubda ifa edən müğənnilərin dəvət olunmasına icazə verməyib.

Əməkdar artist çıxışında bəzi müğənnilərin ifa zamanı mahnılara ehtiyacdan artıq boğaz qatmasını da tənqid edib. O bildirib ki, təşkil etdiyi tədbirlərdə ifaçıların çıxışına nəzarət edir və mahnının təbii şəkildə səsləndirilməsinin tərəfdarıdır.

Nicat Kazımov uzun illər toy məclisləri apardığını da xatırladaraq, 2010-cu ildən sonra bu fəaliyyətinə son qoymaq qərarı verdiyini deyib.

Müəllif: Tural Hüseyn (Milli.Az redaktor)