Şou-biznes

ARB-nin bu verilişləri yayımını dayandırır

20 İyul 2026 15:04

Baxış: 2 127

VTB-də minimal faiz dərəcəsi ilə nağd kredit 9.9%-dən

#TELEVİZİYA #ŞOU #TV

ARB TV yeni mövsümdən efir siyasətində ciddi dəyişikliklər edəcək.

Milli.Az xəbər verir ki, Axşam.az-ın əldə etdiyi məlumata görə, illərdir telekanalda yayımlanan bir sıra verilişlər bu mövsüm final edəcək.

Əməkdar artist Dilarə Əliyevanın aparıcısı olduğu və 7 ilə yaxındır efirdə olan "Söhbət var" proqramının yayımı dayandırılır. İki mövsümdür izləyicilərlə görüşən Pərviz Hüseynin "Pərvizə görə" layihəsi də ekranlarla vidalaşıb.

Bundan başqa, Kazım Sübhanın aparıcılıq etdiyi "Mədəni şou" və İlqar Mikayıloğlunun təqdim etdiyi "Günə bax" səhər proqramı da yeni mövsümdən efirdə olmayacaq.

Sözügedən aparıcıların fəaliyyətlərini hansı layihələrdə və ya hansı kanalda davam etdirəcəkləri isə hələlik məlum deyil.

Qeyd edək ki, ARB TV yeni mövsümdən etibarən şou yönümlü verilişlərin yayımını dayandırmağı planlaşdırır. Kanalın efirində əsasən bölgələrə və sosial mövzulara həsr olunan layihələrə üstünlük veriləcəyi bildirilir.

Müəllif: Tural Hüseyn (Milli.Az redaktor)