Şou-biznes

Türkiyədə azana hörmətsizlik edən müğənni səhnədən QOVULDU - VİDEO

9 İyun 2026 15:25

Baxış: 742

VTB-də minimal faiz dərəcəsi ilə nağd kredit 9.9%-dən

#VİDEO #QALMAQAL #MÜĞƏNNİ #KONSERT #TÜRKİYƏ ŞOUBİZNESİ

İstanbulun Büyükçekmece rayonunda keçirilən toy mərasimində baş verən hadisə sosial şəbəkələrdə geniş müzakirə olunub.

Milli.Az Türkiyə mətbuatına istinadən xəbər verir ki, iddialara görə, məclisdə çıxış edən müğənnidən azan vaxtı musiqiyə qısa fasilə verilməsi istənilib. Lakin bu istək tərəflər arasında gərginliyə səbəb olub.

Hadisə şahidlərinin sözlərinə görə, sənətçi məkan rəhbərliyinin müraciətinə sərt reaksiya göstərib. Bundan sonra toy məkanında mübahisə yaranıb və vəziyyətin daha da gərginləşməsinin qarşısını almaq üçün məkan sahibləri məsələyə müdaxilə ediblər.

Bildirilib ki, yaşanan narazılıqdan sonra müğənninin çıxışı yarımçıq dayandırılıb və o, səhnədən uzaqlaşdırılıb.

Hadisənin görüntüləri və iddialar qısa müddətdə sosial mediada yayılıb. İstifadəçilərin bir qismi dini və mənəvi dəyərlərə hörmətin vacibliyini vurğulayarkən, digərləri isə baş verən hadisə ilə bağlı fərqli mövqelər səsləndiriblər.

Məsələ sosial platformalarda geniş rezonans doğuraraq çoxsaylı şərhlər və müzakirələrlə gündəmdə qalmaqdadır.

Musa
Milli.Az