Şou-biznes

Əməkdar artist: “Kaş ailəmi qoruya bilərdim”

5 İyun 2026 17:45
Baxış: 1 300
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #AİLƏ #ƏMƏKDAR ARTİST #AKTRİSA

Əməkdar artist Nahidə Orucova şəxsi həyatı ilə bağlı etdiyi açıqlama ilə diqqət çəkib.

Milli.Az xəbər verir ki, aktrisa iştirak etdiyi televiziya proqramında keçmişinə nəzər salaraq, həyatında bəzi qərarlardan peşman olduğunu etiraf edib. O, xüsusilə ailə həyatının dağılmasına görə zaman keçdikcə daha çox düşündüyünü və bəzi məqamlarda fərqli davranmağın mümkün olduğunu bildirib.

Nahidə Orucova ailə münasibətlərində yaranan problemlərə görə təkcə bir tərəfin günahkar olmadığını vurğulayaraq, hər iki tərəfin müəyyən səhvlərə yol verdiyini qeyd edib.

Sənətçi bununla yanaşı, bu gün həyatında ən böyük təsəllisinin teatr, övladı və nəvəsi olduğunu deyib. Onun sözlərinə görə, teatr uzun illərdir həyatının ayrılmaz hissəsinə çevrilib və ona mənəvi dayaq verir.

Aktrisa nənə olmağın ona xüsusi xoşbəxtlik bəxş etdiyini də vurğulayıb. O bildirib ki, uzun müddət bu hissi yaşamağı arzulayıb və nəvəsinin dünyaya gəlməsi həyatına yeni rəng qatıb.

Qeyd edək ki, Nahidə Orucovanın qızı Bilqeyis Fidan Qasımovanın oğlu Fəridlə ailəlidir. Aktrisanın səmimi etirafları sosial şəbəkələrdə də maraqla qarşılanıb.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.