Şou-biznes

“Övladın yox, valideynin övlada BORCU VAR”

20 May 2026 11:00
Baxış: 1 676
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #AİLƏ #MÜĞƏNNİ #ŞOU

Müğənni Əminə Şirin səsləndirdiyi fikirlərlə sosial şəbəkələrdə geniş müzakirələrə səbəb olub.

Milli.Az xəbər verir ki, sənətçi aparıcı Tarix Əliyevin "YouTube" layihəsində qonaq olarkən valideyn-övlad münasibətləri barədə diqqətçəkən açıqlamalar verib.

Əminə Şirin bildirib ki, valideynlərin övlad qarşısında daha böyük məsuliyyəti var və insan övlad dünyaya gətirərkən qarşılıq gözləməməlidir:

"Anamın çox gözəl sözü var. Deyir ki, övladın valideynə yox, valideynin övlada borcu var. Mən də bununla razıyam. Dünyaya övlad gətirəndə təmənna güdməməlisən ki, böyüyəndə mənə baxacaq".

Müğənni əlavə edib ki, övladın valideynə münasibəti insanın taleyi və həyatda qarşılaşdığı davranışlarla bağlıdır:

"Baxırsa nə yaxşı, baxmayacaqsa, vəfasız olacaqsa, demək ki, karmadır. Mən taleyi ilə barışan insanam. Dünyaya övlad gətirmişəmsə, son nəfəsimə qədər onun xidmətində dayanmalıyam".

İfaçı həyatdakı yaxşılıq və niyyət mövzusuna da toxunaraq maraqlı bənzətmələr işlədib:

"İnsanın insanın üstündə niyyətinin də haqqı var. Bu dünyada hər şey zəncirvari şəkildə bir-birinə bağlıdır. Günəş insanları isidir, özünü yox. Ağac bar verir, özü meyvəsindən yemir. Ağac da sənə verdiyi meyvəsini halal etməlidir".

Əminə Şirinin bu fikirləri sosial mediada fərqli reaksiyalar doğurub. İzləyicilərin bir qismi sənətçinin düşüncələrini dəstəkləyib, digərləri isə valideyn və övlad münasibətləri ilə bağlı fərqli mövqelər səsləndiriblər.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.