Şou-biznes

Əməkdar artist: "Qanı, geni azərbaycanlı deyil"

7 May 2026 15:47
Baxış: 4 958
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #TOY #MÜĞƏNNİ #ƏMƏKDAR ARTİST

Xanəndə İlkin Əhmədov "Vağzalı" musiqisi ilə bağlı səsləndirdiyi fikirlərlə gündəmə gəlib.

Milli.Az xəbər verir ki, əməkdar artist son dövrlər toy mərasimlərində "Vağzalı" havasının səsləndirilməsinə qarşı çıxanların olduğunu deyərək buna etiraz edib. Sənətçi bildirib ki, Azərbaycan toyunu bu musiqisiz təsəvvür etmir.

Onun sözlərinə görə, bəylə gəlinin zala daxil olması zamanı fərqli kompozisiyaların səslənməsinə etirazı yoxdur. Lakin ənənəvi "Vağzalı"nın ən azından gəlin evdən çıxarkən və ya toyun sonunda ifa olunmasının vacib olduğunu vurğulayıb.

İlkin Əhmədov açıqlamasında "Vağzalı"nın Azərbaycan toy mədəniyyətinin ayrılmaz hissəsi olduğunu qeyd edərək, bu musiqinin səslənməsini istəməyənlərin fikirlərini qəbul etmədiyini bildirib.

Sənətçinin "Vağzalı səslənməsini istəməyənlərin qanı, geni azərbaycanlı deyil" sözləri sosial şəbəkələrdə geniş müzakirələrə səbəb olub. İzləyicilər arasında bu fikirləri dəstəkləyənlərlə yanaşı, tənqid edənlər də olub.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.