Şou-biznes

"Emil də bundan dünyasını dəyişdi"

6 May 2026 09:50

Baxış: 526

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #ƏMƏKDAR ARTİST #AKTYOR

Əməkdar artist Rəhman Rəhmanov mərhum oğlu, müğənni Emil Rəhmanoğlu barədə açıqlaması ilə diqqət çəkib.

Milli.Az xəbər verir ki, sənətçi oğlunun həyatında baş verən problemlərin onun verdiyi tərbiyə ilə bağlı olmadığını bildirib. O vurğulayıb ki, Emil ailə qurduqdan sonra müstəqil həyat yaşayır, öz işi və qazancı ilə məşğul olurdu və dəyişikliklər də məhz həmin dövrdə başlayıb.

Rəhman Rəhmanov qeyd edib ki, oğlunun pis vərdişlərə yönəlməsində ətraf mühitin təsiri böyük olub və bunu gec fark etdiklərini etiraf edib. Onun sözlərinə görə, Emil reabilitasiya mərkəzinə müraciət etsə də, müalicəni davam etdirməyib.

Sənətçi həmçinin ailələrində irsi sağlamlıq probleminin olduğunu açıqlayıb. Bildirib ki, ayaq damarları ilə bağlı problem həm özündə, həm də digər övladlarında müşahidə olunur və Emil də eyni xəstəlikdən əziyyət çəkib. Onun sözlərinə görə, oğlu qan laxtalanması - tromb səbəbindən vəfat edib və bununla bağlı tibbi sənədlər də mövcuddur.

Aktyor əlavə edib ki, oğlunun şəxsi həyatı, ailəsi və övladı olduğu üçün hər zaman yanında ola bilməyib və baş verənlərdən xəbərsiz qalıb.

Qeyd edək ki, Emil Rəhmanoğlu 2023-cü ildə dünyasını dəyişib.

Milli.Az