Şou-biznes

"Ərə gedəcəyim şəxs birinci itlərimi SEVMƏLİDİR"

9 May 2026 16:30

Baxış: 511

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #EUROVİSİON #MÜĞƏNNİ #ŞOU #HEYVANLAR

"Avroviziya" təmsilçimiz Dilarə Kazımova efirdə səsləndirdiyi fikirlərlə diqqət çəkib.

Milli.Az xəbər verir ki, müğənni çıxışı zamanı ev heyvanlarına olan sevgisindən danışıb. O, bildirib ki, üç iti var və onlardan birini sığınacaqdan, ikisini isə küçədən götürərək sahiblənib. Sənətçi qeyd edib ki, heyvanlara övladı kimi yanaşır və onların həyatına daxil olması ona həm istilik, həm də mənəvi rahatlıq bəxş edir.

Dilarə Kazımova şəxsi həyatı ilə bağlı da maraqlı məqama toxunub. İfaçı vurğulayıb ki, gələcəkdə ailə quracağı insan ilk növbədə onun itlərini sevməli və qəbul etməlidir. Müğənni əlavə edib ki, bəzi insanların heyvan saxlamaq üçün belə allergiyalarına baxmayaraq dərman qəbul etdiyini görüb və bu yanaşmanı yüksək qiymətləndirir.

Sənətçinin bu açıqlamaları sosial şəbəkələrdə geniş yayılaraq müzakirələrə səbəb olub. İzləyicilər onun heyvanlara olan münasibətini bəyənənlərlə yanaşı, fərqli fikirlər də səsləndiriblər.

Musa
Milli.Az