Şou-biznes

"Vallah, məndən sonra səni belə sevən OLMAYACAQ"

22 Aprel 2026 15:00

Baxış: 3 436

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #ŞOU

Müğənni Amina Şirin səsləndirdiyi fikirlərlə gündəmə gəlib.

Milli.Az xəbər verir ki, sənətçi sevgi və dostluq münasibətləri ilə bağlı açıqlamasında qarşı tərəfə tez bağlandığını etiraf edib. O bildirib ki, ayrılıq zamanı ən çox dəyər verdiyi insanların vəziyyətinə acıyır və düşünür ki, ondan sonra həmin insanı bu qədər sevən və qayğı göstərən olmayacaq.

Amina Şirin həmçinin özünəinam və təkəbbür anlayışlarına da toxunaraq, bunların fərqli məfhumlar olduğunu vurğulayıb. Onun sözlərinə görə, insan qarşı tərəf uğrunda nələrə qadir olduğunu bilir, bunu niyə itirirsən?

Müğənni kişi-qadın münasibətlərində özünəməxsus yanaşmasını da bölüşüb. O qeyd edib ki, münasibətdə qarşı tərəfin bir qədər üstün olmasını istəyir. Əks halda, həmin şəxsin gözündən düşə biləcəyini və onu sınağa çəkə biləcəyini gizlətməyib.

İfaçı əlavə edib ki, kişini idarə etməyi sevmir. Lakin qarşı tərəfi sınayarkən onun zəif tərəflərini görərsə, bu münasibətin uzunömürlü olmayacağını düşünür:

"İstər sevgi, istərsə də dostluq münasibəti olsun, ayrılıb sağollaşanda çox istədiyim insanların halına yanırəm ki, Vallah, məndən sonra səni belə sevən olmayacaq, sənin bu qədər qeydinə qalan olmayacaq. Təkəbbür ayrıdır, özgüvən ayrı. Özün bilirsən ki, ona görə nələrə qadirsən, bəs bunu niyə əldən verirsən? Deyirlər, gedim gəzib daha gözəlini tapım - elə bir dünya yoxdur axı.

Kişi-qadın münasibətində qarşı tərəfin məndən bir pillə öndə olmasını istəyirəm - sözündə, kəsərində. Əks halda gözümdən düşə bilər, hətta onu sınağa da çəkə bilərəm. Kişini idarə etməyi sevmirəm. Amma sınayanda görsəm ki, sözümə oturub-durur, o zaman həmin kişi mənə maraqlı olmaz".

Sosial şəbəkələrdə müğənninin bu açıqlamaları geniş müzakirələrə səbəb olub.

Musa
Milli.Az