Şou-biznes

Bir zamanların sevilən aktrisası kirayə pulunu verə bilmir

15 Aprel 2026 21:11

Baxış: 2 815

VTB-də minimal faiz dərəcəsi ilə nağd kredit 9.9%-dən

#AKTRİSA

Yeşilçamın unudulmaz simalarından olan və "Bayan Bacak" ləqəbi ilə tanınan 70-ci illərin ulduzu Serpil Örümcer sosial media vasitəsilə izləyicilərinə səslənərək kömək istəyib.

Milli.Az xəbər verir ki, uzun müddətdir iqtisadi çətinliklərlə mübarizə aparan usta sənətçi, hazırda çıxılmaz vəziyyətdə olduğunu bildirib.

Yaşadığı evin şəhərsalma layihəsinə daxil edilməsi səbəbindən evsiz qalma təhlükəsi ilə üzləşən Örümcer, artan kirayə qiymətlərindən şikayətlənib. Yeni mənzil tutmaq üçün maddi imkanının olmadığını vurğulayan sənətçi, çəkdiyi videoda bu sözləri qeyd edib:

"Mən 1970-ci illərin sənətçisi Serpil Örümcerəm. Hazırda çox çətin vəziyyətdəyəm, kirayə pulunu verməyə gücüm çatmır. Evdən çıxmaq üçün çox az vaxtım qalıb".

Bir dövrün ən məşhur model və aktrisalarından olan Örümcerin bu fəryadı qısa zamanda sosial şəbəkələrdə gündəm olub. (lent.az)

Milli.Az