Şou-biznes

Bir zamanların sevilən aktyorunun ürək parçalayan vəziyyəti - FOTO

9 Aprel 2026 19:28

Baxış: 4 091

VTB-də minimal faiz dərəcəsi ilə nağd kredit 9.9%-dən

#AKTYOR

"Yeşilçam" kinosunun unudulmaz simalarından olan İhsan Gedikin son görüntüləri sənət dünyasında "vəfa" məsələsini yenidən müzakirə obyektinə çevirib.

Milli.Az xəbər verir ki, karyerası ərzində 600-ə yaxın filmdə rol alan 83 yaşlı usta sənətkar, hazırda İstanbul küçələrində çətinliklə hərəkət edərkən görüntülənib.

Jurnalist Mehmet Faraçın paylaşdığı məlumata görə, Karaköy-Tünel xəttində əlindəki əsa ilə güclə yeriyən aktyor, dolanışığını təmin etmək üçün öz xatirələrini və fotoşəkillərindən ibarət albomları satmağa məcbur qalıb.

Jurnalist Mehmet Faraç sənətçinin bu vəziyyətini "bu bir rol deyil, həyatın və sektorun amansız reallığıdır" sözləri ilə xarakterizə edib. O, dünya kinosunda bu qədər çox filmdə çəkilən bir aktyora qocalığında belə bir taleyin nəsib olmasının böyük bir üzüntü və dram olduğunu vurğulayıb.

Çiynində daşıdığı çanta ilə küçə-küçə dolaşan İhsan Gedikin bu vəziyyəti, bir vaxtlar kinonun zirvəsində olan Yeşilçam sənətçilərinin yaşlılıq dövründə qarşılaşdıqları maddi və mənəvi çətinlikləri bir daha gündəmə gətirib. Sosial şəbəkələrdə geniş əks-səda doğuran görüntülər, illərini sənətə verən simalara qarşı daha çox dəstək göstərilməsi çağırışlarını artırıb. (lent.az)

Milli.Az