Şou-biznes

Orhan Gencebayın 48 illik 81 yaşlı xanımı tərzi ilə diqqət çəkdi - VİDEO

10 Aprel 2026 14:00

Baxış: 957

VTB-də minimal faiz dərəcəsi ilə nağd kredit 9.9%-dən

#VİDEO #MƏŞHURLAR #AİLƏ #MÜĞƏNNİ #TÜRKİYƏ ŞOUBİZNESİ

Türkiyənin məşhur sənətçisi Orhan Gencebay və onun 48 illik həyat yoldaşı Sevim Emre yenidən gündəmə gəlib.

Milli.Az Türkiyə mətbuatına istinadən xəbər verir ki, Sevim Emrenin dəbli tərzi diqqət çəkib.

81 yaşlı Sevim Emre qatıldığı mükafat mərasimində zövqlü və iddialı geyim tərzi ilə sosial şəbəkələrdə geniş müzakirələrə səbəb olub. Onun fərqli üslubu və baxımlı görünüşü istifadəçilər tərəfindən həm bəyənilib, həm də müzakirə edilib.

Gecədə diqqət çəkən məqamlardan biri də Orhan Gencebayın həyat yoldaşı Sevim Emreye aldığı "İlin mükafatı"nı təqdim etməsi olub. Bu anlar tədbirin ən emosional anları kimi yadda qalıb.

Müalicədən sonra ilk dəfə tədbirdə

Bir müddət əvvəl səhhətində yaranan problemlərlə bağlı xəstəxanada müalicə alan sənətçi bu mərasimə ilk dəfə qatılıb. Tədbirə yardımçı ilə gələn Gencebay jurnalistlərin suallarını da cavablandırıb:

"Yaxşıyam, daha yaxşı olacağam. Allaha çox şükür, yaxşıyıq", - deyə o bildirib.

"O mənim başımın tacıdır"

"Yaşam Boyu Onur Mükafatı" alan sənətçi çıxışında həyat yoldaşına xüsusi təşəkkür edib:

"Bu illər ərzində sevimli həyat yoldaşım hər zaman mənə dəstək olub. Ona sonsuz təşəkkür edirəm. O mənim başımın tacıdır. Allah hər kəsə belə bir birlik nəsib etsin. Əsas olan bu dünyadan xoşbəxt getməkdir".

Qeyd edək ki, Orhan Gencebay və Sevim Emre cütlüyü uzun illərdir davam edən münasibətləri və bir-birlərinə olan bağlılıqları ilə nümunə göstərilir. Bu dəfə isə həm duyğusal anlar, həm də Sevim Emrenin diqqətçəkən tərzi sosial mediada geniş rezonans doğurub.

Musa
Milli.Az