Şou-biznes

Xalq artistinin xanımı: "Qədir Rüstəmova silah vermişdilər"

6 Aprel 2026 23:12
Baxış: 1 122
VTB-də minimal faiz dərəcəsi ilə nağd kredit 9.9%-dən
#XALQ ARTİSTİ

"Qədir Rüstəmov Ağdam işğal olunandan sonra toylara getmədi".

Milli.Az xəbər verir ki, bunu Moderator.az-a açıqlamasında mərhum Xalq artisti Qədir Rüstəmovun həyat yoldaşı Fatma Rüstəmova deyib.

O, bildirib ki, Qədir Rüstəmov ancaq hərbi hissələrə gedirdi, əsgərlərin toyunda oxuyurdu:

"İşğaldan sonra ömrünün qalan hissəsini hərbi hissələrdə keçirib. Qədir müəllim orada yatıb, orada dururdu. Ona geyim də vermişdilər, silah da. Mən çox istəyirdim ki, Qədir müəllimə hərbi titul versinlər. Verməsələr də Qədir müəllimi mən milli qəhrəman hesab edirəm. O, ömrünü cəbhədə keçirib. Nə olsun ki, xanəndə idi?! O qədər vətənpərvər, vətənini, torpağını sevən şəxs idi ki...

Cəbhədən kənarda yaşaya bilmirdi. Elə bilirdi ki, əsgərlərin yanında olanda Ağdamı daha tez işğaldan azad edəcəklər. Hərbi hospitallara gedib yaralı əsgərlər üçün mahnılar oxuyurdu. Vətənin çətin günlərində öz köməyini bu cür göstərirdi, əlindən gələni əsirgəmirdi".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.