Şou-biznes

Vüqar Namiq Qaraçuxurlu ilə arasında baş verənlərdən DANIŞDI

5 Aprel 2026 19:41
Baxış: 3 114
VTB-də minimal faiz dərəcəsi ilə nağd kredit 9.9%-dən
#MEYXANA

"Məni qəbul etməyən qurdlar var idi".

Milli.Az xəbər verir ki, bu sözləri Baku TV-nin "Qapqara" verilişinin yeni buraxılışında qonaq olan meyxana ustası Vüqar Əbdülov deyib.

O, vaxtilə Namiq Qaraçuxurlu ilə birgə layihə həyata keçirmək istədiyini, lakin bunun baş tutmadığını bildirib:

"Vaxtilə Namiq Qaraçuxurlu ilə "Rəvayət" hələ ortaya çıxmamışdan əvvəl dəfələrlə danışırdım ki, gəl bunu birlikdə edək. Əfsuslar olsun ki, o da qanad açıb mələk kimi aradan çıxdı. Əslində, onu qınamıram. Sadəcə, belə şeylər gördüm".

Vüqar Əbdülov qeyd edib ki, bir müddət meyxanaçılar birliyinin yaradılması ilə bağlı təklif səsləndirilib:

"Qorxmaz Əlili dedi ki, meyxanaçılar birliyi yaradaq. Sədri də Ağamirzə Məmmədov olsun. Ağamirzə Məmmədov isə "mən bir ərizə belə yaza bilmirəm, qol çəkə bilmirəm, savadım yoxdur. Ağsaqqal kimi ola bilərəm, amma gəlin Vüqarı sədr qoyaq" dedi".

Meyxana ustasının sözlərinə görə, bu təklifdən sonra narazılıqlar yaranıb:

"Orada bir anda etirazlar başladı, aləm bir-birinə dəydi. Guya mən harasa müdir gəlirəm, orada 50 min maaş alacağam. Amma yenə deyirəm, məni həzm etsən, mən də səni həzm edərəm. Ağasəlim də məni qəbul edib, Balaəli də, Vasif də. Amma qəbul etməyən qurdlar da var".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.