Şou-biznes

"Nə yaxşı ki, elə kişinin qızıyam" - Məşhur xanəndə efirdə AĞLADI - VİDEO

23 Mart 2026 16:03

Baxış: 1 136

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MƏŞHURLAR #AİLƏ #MÜĞƏNNİ

Xanəndə Aytən Məhərrəmova efirdə kövrək anlar yaşayıb.

Milli.Az xəbər verir ki, sənətçi atasından danışarkən göz yaşlarını saxlaya bilməyib və duyğusal açıqlamaları ilə diqqət çəkib.

O, bildirib ki, atasını böyük sevgi və hörmətlə xatırlayır:

"Allah heç kimi başsız qoymasın. Çox xoşbəxt övladam ki, belə bir atam olub, elə bir kişinin qızı olmuşam. Ona pis nəsə deyəndə belə, heç vaxt pisə yozmazdı. Nə yaxşı ki, onun tərbiyəsini almışam. Mənə vicdanlı insan olmağı öyrədib".

Sənətçi ailəsinin keçmişindən də söz açıb. Aytən Məhərrəmova qeyd edib ki, onlar kasıb şəraitdə böyüyüblər, lakin valideynlərinin zəhmətkeşliyi sayəsində həyatın çətinliklərinə sinə gərə biliblər:
"Biz çox kasıb ailə olmuşuq. Atam da, anam da zəhmətkeş insanlar olublar. Həmişə atamla fəxr etmişəm".

Xanəndənin bu səmimi etirafları studiyada kövrək anlar yaşadıb və sosial şəbəkələrdə də müzakirələrə səbəb olub. İzləyicilər onun valideynlərinə olan bağlılığını yüksək qiymətləndirərək sənətçiyə dəstək mesajları yazıblar.

Musa
Milli.Az