Şou-biznes

""Bayağı müğənnilər" həmişə ətrafımızda olmağa çalışıblar"

20 Mart 2026 16:09

Baxış: 1 189

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #ŞOU

Adı efirə çıxmasına qadağa qoyulduğu iddia edilən sənətçilər siyahısında yer alan müğənni Ayan Babakişiyeva televiziya proqramına qatılması ilə diqqət çəkib.

Milli.Az xəbər verir ki, ifaçı "Öz aramızda" verilişində qonaq olub və səsləndirilən iddialara dolayısı ilə aydınlıq gətirib. O, çıxışı zamanı şou-biznesdə "bayağı ifa" mövzusuna da toxunub.

Sənətçi bildirib ki, estrada mühiti hər zaman müxtəlif janr və üslublardan ibarət olub: "Şou-biznes estrada müğənnilərindən həmişə ibarət olub, bunu inkar etmək olmaz. 'Bayağı müğənnilər' də hər zaman ətrafımızda olmağa çalışıblar. Demirəm ki, onları yaxın buraxmırıq, o sənətçilər də özlərinə görə seçilmiş ifaçılardır, öz sevənləri var".

Ayan əlavə edib ki, zamanla bəzi ifaçılar sənət istiqamətlərini dəyişərək daha keyfiyyətli musiqilərə yönələ biliblər: "O vaxt da bayağı ifaçılar olub, indi xalq artistidirlər. Onlar öz sənət istiqamətlərini dəyişiblər. 3 bayağı mahnı oxuyanda bir dəfə bəstəkar mahnısına müraciət edin. Həm də yeni bir şey öyrənəcəksiniz - yeni boğaz ifaları və s.".

Qeyd edək ki, Ayan Babakişiyeva da daxil olmaqla bir sıra sənətçilərin efirə çıxışına qadağa qoyulduğu ilə bağlı iddialar yayılsa da, müğənninin televiziya proqramında iştirakı bu məlumatların həqiqəti əks etdirmədiyini göstərir.

Musa
Milli.Az