Şou-biznes

“Yaraşıqlı olduğum üçün rol vermədilər”

10 Mart 2026 14:00
Baxış: 1 870
VTB-də minimal faiz dərəcəsi ilə nağd kredit 9.9%-dən
#SERİALLAR #MƏŞHURLAR #AKTYOR #FİLM #TÜRKİYƏ ŞOUBİZNESİ

Türkiyəli məşhur aktyor və müğənni Emre Altuğ maraqlı etirafı ilə diqqət çəkib.

Milli.Az-ın Türkiyə mediasına istinadən məlumatına görə, sənətçi İbrahim Selimin "YouTube" proqramına qonaq olarkən aktyorluq karyerası ilə bağlı bəzi çətinliklərdən danışıb. Altuğ bildirib ki, bəzən xarici görünüşü ona istədiyi rolları əldə etməyə mane olub.

Aktyorun sözlərinə görə, yaraşıqlı görünüşü səbəbindən bəzi obrazlara uyğun hesab edilməyib və bu səbəbdən bir sıra rolları itirib.

Emre Altuğ xüsusilə 2006-cı ildə çəkilmiş Eve Giden Yol filmi ilə bağlı xatirəsini bölüşüb. O bildirib ki, həmin ekran işində mənfi obrazı canlandırmaq istəyib, lakin əvvəlcə prodüser onun bu rola uyğun olmadığını düşünərək imtina edib.

Sənətçi daha sonra obraz üçün görünüşünü dəyişməyə çalışdığını və özünü daha sərt göstərmək üçün xüsusi səy göstərdiyini qeyd edib. Nəticədə prodüseri razı salmağı bacarsa da, hər kəsi inandırmağın mümkün olmadığını vurğulayıb.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.