Şou-biznes

"Ona görə muğamdan SOYUDUM" - VİDEO

8 Mart 2026 15:37

Baxış: 1 051

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #MÜĞƏNNİ #ŞOU

Müğənni Vüsal Hacıyev qatıldığı "Rəngarəng" verilişində səsləndirdiyi fikirlərlə diqqət çəkib.

Milli.Az xəbər verir ki, o, muğam ifası və bəzi xanəndələrin oxu tərzi barədə danışaraq maraqlı açıqlamalar verib.

Sənətçi bildirib ki, özü əsasən bəstəkar mahnılarına üstünlük verir və muğamı toy məclislərində ifa edir:

"Mən özüm, məsələn, Mi-Segah oxumuram. Oxuyaram, Sol-Segah da oxuyaram, amma daha çox toyda. Bəstəkar mahnıları daha çox oxuyuram".

Müğənni təhsil aldığı dövrə də toxunaraq, "Bülbül" adına musiqi məktəbini bitirdikdən sonra vokalla ciddi məşğul olduğunu bildirib. Onun sözlərinə görə, məhz bu dövrdə muğam ifası ilə bağlı bəzi məqamlar ona uyğun gəlməyib:

"Gördüm ki, sanki muğam oxuyanda daha çox qışqırmağa meyillidirlər. Mən böyük sənətkarlardan səsimin zil olmasını gizlədirdim. Rast oxuduğumu görəndə təəccüblənirdilər. Axı oxumaq qışqırmaqdan ibarət deyil", - deyə Hacıyev vurğulayıb.

Hacıyev əlavə edib ki, hər ifaçının özünəməxsus səs rəngi var. Onun açıqlamaları sosial şəbəkələrdə də müzakirələrə səbəb olub.

Musa
Milli.Az