Şou-biznes

"3 diplomlu müğənniyə də qadağa qoyulursa, efirə “bozbaş”ları çağırsınlar"

4 Mart 2026 10:00

Baxış: 2 522

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #TV #MEYXANA

Meyxanaçı Samirə Yusifqızı adının efir qadağası qoyulan müğənnilər siyahısında yer almasına münasibət bildirib.

Milli.Az xəbər verir ki, Samirə bu barədə Bizim.Media-ya danışıb.

O, qızı Fərəhin və öz adının xəbərdə yazılması ilə bağlı bunları söyləyib:

"Nəyə əsaslanıblar? Bu, rəsmi deyil. Nə etmək istəyirlər? Efirdə bütün müğənnilərə qadağa qoyulursa, bəs nə göstəriləcək? Qızım özü bilər, o özünə cavabdehdir. Mənim elə bir qalmaqalım yoxdur. Ali savadlı müğənniyəm, illərin sənətkarıyam, bu sənətə can qoymuşam.

Mənə də qadağa qoyulursa, Allah can sağlığı versin. Azərbaycan musiqisini bilirəm, Konservatoriyanı, Asəf Zeynallı adına Musiqi Kollecini bitirmişəm, Fortepiano diplomum var. Üç diplomlu müğənniyə də qadağa qoyulursa, efirə "bozbaş"ları çağırsınlar. Mənim xəbərim yoxdur, məlumat almağa çalışacağam".

Qeyd edək ki, sözügedən siyahını "Manset.az" yayıb.

Milli.Az