Şou-biznes

"Məclislərə "bədən-ayaq" göstərməyə getmirəm"

16 Fevral 2026 17:30
Baxış: 2 915
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI #MƏŞHURLAR #TOY #ŞOU

Şairə və xına məclislərinin təşkilatçısı Nazilə Səfərli efirdə səsləndirdiyi fikirlərlə diqqət çəkib.

Milli.Az xəbər verir ki, o, toy məclislərindəki mövqeyindən və özünü niyə "brend" adlandırdığından danışıb.

Nazilə bildirib ki, məclisdə əsas fiqur gəlin olmalıdır və o, heç vaxt gəlinin kölgədə qalmasına səbəb olmaq istəmir:

"Fərqindəyəm ki, toyda gəlin mən deyiləm. Mən ora xeyir-dua verməyə, gözəl söz deməyə haqqı çatan Azərbaycan qadınıyam. Məclisdə gəlindən gözəl görünməməliyəm, onu ruhdan salmamalıyam".

Şairə vurğulayıb ki, toy və xına gecələrinə aparıcı kimi deyil, ailənin bir üzvü kimi qatılır:

"Həmin gecədə ailədən biri kimi olmalıyam. Mən hansısa paltarı reklam etmək, bədənimi göstərmək üçün getmirəm. Paltarlarımı hər kəs görə bilər. Mən o evin anası, bacısı, bibisi, xalası kimiyəm. Ora yad deyiləm ki, kimsə ərini məndən gizlətsin".

Onun "Mən brendəm" sözləri sosial şəbəkələrdə geniş müzakirələrə səbəb olub. Bəzi izləyicilər Nazilənin yanaşmasını dəstəkləyərək bunu bəyənib, digərləri isə fikirlərə fərqli prizmadan yanaşıblar.

Qeyd edək ki, Nazilə Səfərli uzun illərdir xına məclislərinin aparıcılığı və təşkilatçılığı ilə məşğuldur və bu sahədə tanınan simalardan hesab olunur.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.