Şou-biznes

Əməkdar artist: "Nüfuzum yoxdur deyə Zaurlar, Zümrüd, Yalçın efirə çağırmır"

14 Fevral 2026 17:39

Baxış: 1 761

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #QALMAQAL #MÜĞƏNNİ #ƏMƏKDAR ARTİST #ŞOU #TV #APARICI

Əməkdar artist Zaur Əmiraslanov "Öz aramızda" verilişində səsləndirdiyi fikirlərlə gündəm olub.

Milli.Az xəbər verir ki, müğənni bəzi televiziya aparıcılarının onu proqramlarına dəvət etməməsindən narazılığını ifadə edib.

O, bildirib ki, xüsusilə aparıcı Zaur Nəbioğlu, Zaur Kamal, Yalçın, Zümrüd Bədəlova onu verilişlərinə ya ümumiyyətlə çağırmır, ya da çox nadir hallarda dəvət edirlər. Əmiraslanov bu məsələnin onu məyus etdiyini gizlətməyib. Bu səbbədən gündəmdə olmadığını bildirib: "Dövlətimizin layiq bildiyi əməkdar artis adına görə minnətdaram. Ancaq mənim vəziyyətimdə verilişlərə dəvət üçün rol oynamır. Nüfuzum yoxdur deyə efirlərinə çağırmırlar. Çağırdıqları qonaqlarda başqa nüanslar var ki, tez-tez dəvət alırlar.

Studiyada səslənən bu sözlər müzakirələrə səbəb olub. Proqramın aparıcısı İsa Şükürov isə sənətçiyə dəstək verərək üzünü həmkarlarına tutub. O, sözügedən aparıcılara müraciət edərək Zaur Əmiraslanovu efirə dəvət etmələrini xahiş edib.

Verilişdə yaşanan bu məqam sosial şəbəkələrdə də diqqətdən yayınmayıb. İzləyicilər məsələ ilə bağlı müxtəlif fikirlər səsləndirib, sənətçinin açıqlaması ətrafında geniş müzakirə aparılıb.

Musa
Milli.Az