Şou-biznes

"Xəyanətə görə ailəm DAĞILDI"

12 Fevral 2026 20:35

Baxış: 3 380

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ #ŞOU

Müğənni Vəfa Şərifova "Öz aramızda" verilişində şəxsi həyatı ilə bağlı diqqətçəkən etiraf edib.

Milli.Az xəbər verir ki, sənətçi ailəsinin xəyanət səbəbindən dağıldığını açıqlayıb.

O, bildirib ki, kişinin xəyanətini bağışlamağın doğru olmadığını düşünür:

"Kişinin xəyanətini bağışlamaq lazım deyil, zaman itkisidir. Bir dəfə bağışladınsa, 5 il keçsə də o münasibət bitəcək. Sadəcə insan inanmaq istəyir, deyir ki, ailə dağılmasın".

Vəfa Şərifova xəyanəti ən çox bağışlayan qadınlardan biri olduğunu desə də, bunun nəticəsiz qaldığını vurğulayıb:

"Xəyanəti ən çox bağışlayan qadın olmuşam. Dəyməz ancaq. Ola bilər hörmətlidir, dəyərlidir, sənin üçün hər şeyi edib. Amma xəyanət oldusa, hisslər bitir. Qadın özünü alçalmış bilər, nə qədər sənətin, imkanın olsa da... Sevdiyindən bu hərəkəti gördükdə heç nə səni xoşbəxt edə bilmir".

Müğənni sonda ailəsinin məhz xəyanət səbəbindən dağıldığını bir daha təsdiqləyib:

"Xəyanətə görə ailəm dağılıb. İnsanın bir həddi olur. Bəlkə də bir söz üstündə bitdi, amma ən əsası xəyanət idi".

Milli.Az