Şou-biznes

"Avaralığa görə 20 manat cərimə var" - FOTO

9 Fevral 2026 14:55

Baxış: 2 546

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #CƏRİMƏ #APARICI

Tanınmış aparıcı Aytən Səfərova paylaşımı ilə gündəmə gəlib.

Milli.Az xəbər verir ki, televiziya ulduzu vətəndaşın ona göndərdiyi mesajı yayımlayıb.

Məlumata görə, vətəndaşa mesaj gəlib ki, avaralığa görə 20 manat cərimə ödəməlidir.

Aytən bunu araşdırdıqlarını və həqiqətən də inzibati xətalar məcəlləsində belə maddə olduğunun vurğulayıb:

"Bu günü də gördük: mesaj gəlib ki, insana avaralığa görə 20 manat cərimə gəlir. Düşündük ki, dələduzluqdur. Bəzən insanın haqqını bilməməsindən istifadə edirlər. Amma bizim inzibati xətalar məcəlləsində "avaralıq" maddəsi var. İnsan ailəlidir, uşağı da var. Rəsmi işi yoxdur. Hansısa sexdə çalışır. Amma ona avaralığa görə 20 manat cərimə ödəməlisiniz deyilir. Bu gün nə qədər gənc, insan iş tapa bilmir. Evdə oturmaqdansa, çıxıb bir az gəzib hava alsın. Düzdür, min fikir borcu ödəmir. Amma təsəvvür edin, insana belə cərimə gəlir. İnsana sən avarasan deyə, cərimə ödəməlisən deyirlər. Yaxşı, avaradır, 20 manatı haradan alsın? 20 manatı qazanmaq imkanı olsa, adam avaralıq edər?".

Qeyd edək ki, Azərbaycan Respublikasının İnzibati Xətalar Məcəlləsinin 523-cü maddəsinə əsasən, avaralıq (sistemli surətdə işləməmək və yaşayış yeri olmadan dilənçiliklə məşğul olmaq) 20 manatdan 25 manatadək miqdarda cərimə və ya 15 günədək müddətə inzibati həbslə cəzalandırıla bilər. Bu tədbirlər ictimai asayişi qorumaq məqsədi daşıyır. /olay.az

Milli.Az