Şou-biznes

“Arka Sokaklar”ın məşhur aktyoru qocalar evinə yerləşdirildi - FOTO

4 Fevral 2026 17:05

Baxış: 1 138

VTB-də minimal faiz dərəcəsi ilə nağd kredit 10.49%-dən

#SERİALLAR #MƏŞHURLAR #AKTYOR #TÜRKİYƏ ŞOUBİZNESİ

Türkiyənin məşhur "Arka Sokaklar" serialında Vedat Müdir obrazı ilə tanınan aktyor Murat Ormiyakın hazırda qocalar evində yaşadığı məlum olub.

Milli.Az-ın Türkiyə mediasına istinadən məlumatına görə, sənətçi mövcud durumu ilə bağlı səmimi açıqlamalar verib. Aktyor bildirib ki, uzun müddətdir ekranlardan uzaq qalıb və artıq yeni layihə təklifləri almır.

Murat Ormiyak qeyd edib ki, İstanbulun Taksim bölgəsində yerləşən qocalar evində qalır və bu vəziyyət onu ruhdan salıb:

"'Arka Sokaklar" serialını çox darıxıram. Hazırda Taksimdə qocalar evindəyəm. Artıq mənə heç bir təklif gəlmir. Özümü xoşbəxt hiss etmirəm".

Aktyorun bu etirafları sosial şəbəkələrdə kədər və empatiya ilə qarşılanıb, sənət adamlarının sonrakı həyat şəraiti ilə bağlı müzakirələrə səbəb olub.

Hüseyn
Milli.Az