Şou-biznes

Ömrünün sonuna 1 il qalıb

31 Yanvar 2026 20:18
Baxış: 2 244
VTB-də minimal faiz dərəcəsi ilə nağd kredit 9.9%-dən
#MÜĞƏNNİ

Amerikalı müğənni-aktyor və realiti-şou ulduzu Rey Cey gələn ilə sağ qalmayacağını bildirib.

Axşam.az xəbər verir ki, məşhur sənətçi sosial media üzərindən etdiyi canlı yayımda həkimlərin ona çox az vaxt verdiyini və ürəyinin cəmi 25% güclə işlədiyini bildirib.

Rey Cey bu ayın əvvəlində Las-Veqasda ağır pnevmoniya və ürək ağrıları ilə xəstəxanaya yerləşdirilib. Sənətçi "az qala öləcəyini" və hazırkı vəziyyətinin çox kritik olduğunu deyib. Həkimlərin rəyinə görə, onun ürək funksiyası həyati təhlükə həddindədir.

Müğənni səhhətinin bu hala düşməsində keçmiş həyat tərzini və zərərli vərdişləri günahlandırıb.

O, illərdir həddindən artıq spirtli içki və psixostimulyatorlardan istifadə etdiyini etiraf edib.

"Özümü məğlubedilməz sanırdım, hər şeyi qaldıra biləcəyimi düşünürdüm, amma yanılmışam. Bu vərdişlər mənim dünyadakı vaxtımı qısaltdı," - deyə o, bildirib.

Ölüm qorxusu yaşamasına baxmayaraq, Rey Cey maddi cəhətdən ailəsini təmin etdiyini deyib. O, övladlarının və uşaqlarının anasının gələcəyini sığortaladığını, buna görə də gözünün arxada qalmayacağını qeyd edib.

Müğənni xüsusilə bacısı, dünya şöhrətli müğənni Brendiyə təşəkkür edib. Brendi qardaşının bütün tibbi xərclərini və ilin sonuna qədər olan borclarını öz üzərinə götürüb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.