Şou-biznes

Marqo 54 il sonra həmin boyunbağını taxdı - FOTO

31 Yanvar 2026 07:07

Baxış: 1 429

VTB-də minimal faiz dərəcəsi ilə nağd kredit 9.9%-dən

#AKTRİSA

Los-Ancelesdə baş tutan premyerada Marqo Robbi təkcə geyimi ilə deyil, həm də boynundakı tarixi incə ilə diqqət mərkəzində olub. Aktrisa Elizabet Teylorun məşhur "Tac Mahal" almazını taxıb.

Milli.Az xəbər verir ki, bu boyunbağı Hollivudun ən ikonik zinət əşyalarından biridir.

Riçard Berton bu almazı 1972-ci ildə Elizabet Teylorun 40 illik yubileyi münasibətilə ona hədiyyə etmişdi.

Almazın tarixi 17-ci əsrə, Böyük Moğol İmperiyasına dayanır. O dövrün imperatoru tərəfindən xanımı Nur Cahana hədiyyə edilib.

Ürək formasında olan bu almazın üzərində fars dilinin dialekti olan parsi dilində "Eşq əbədidir" sözləri həkk olunub. Filmin (Uğultulu təpələr) mövzusunun da ehtiraslı və sonsuz sevgi olduğunu nəzərə alsaq, Marqo Robbinin bu seçimi olduqca simvolik hesab olunur.

Almaz qızıl, nefrit (jade) və xüsusi zəncirlə bəzədilib. Bu zənciri "Cartier" brendi orijinal ipək kordon üslubunda hazırlayıb.

Boyunbağı sonuncu dəfə 2011-ci ildə Elizabet Teylorun şəxsi əşyalarının hərracı zamanı 8.8 milyon dollara satılıb.

Marqo Robbi qırmızı xalçaya "Schiaparelli" moda evinin qara və qırmızı rəngli lüks libasında çıxıb. Maraqlı məqam odur ki, aktrisa təkcə boyunbağını deyil, həm də Elizabet Teylorun 1967-ci ildə "İnadkarın ram edilməsi" filmində geyindiyi tarixi plaşı da (cape) üzərinə keçirib.

Lalə Qüdrətova
Milli.Az