Şou-biznes

Mina buna görə ərindən BOŞANIB: "Ürəyim partlayırdı..."

31 Yanvar 2026 13:39

Baxış: 2 147

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ #ŞOU

Müğənni Mina Hüseyn ailəsinin dağılmasının səbəblərini açıqlayıb.

Milli.Az xəbər verir ki, onun səmimi etirafları sosial şəbəkələrdə geniş müzakirələrə səbəb olub.

Sənətçi bildirib ki, ayrılıqlarına səbəb xəyanət deyil, qarşı tərəfin ona söylədiyi yalanlar olub. Mina Hüseynin sözlərinə görə, ailə qurarkən həyat yoldaşı ona hər cür şərait yaradacağını, maddi baxımdan təmin edəcəyini deyib və sənətdən uzaqlaşıb ev xanımı olmağını istəyib. O, da bu vədlərə inanaraq deyilənlərin hamısını yerinə yetirib.

Müğənni qeyd edib ki, yaradıcı insan olduğu üçün uzun müddət evdə qalmaq onun üçün olduqca çətin olub:

"Mən yaradıcı insanam, oxumaq istəyirdim. 7-8 ay evdə qalmaq mənə çox ağır gəldi, ürəyim partlayırdı. Amma həyat yoldaşım və ailəsi buna icazə vermirdi".

Bir müddət sonra həyat yoldaşının verdiyi vədlərin real olmadığını öyrəndiyini deyən Mina Hüseyn bu həqiqəti ondan açıq şəkildə eşitdiyini də etiraf edib. Sənətçi bildirib ki, ərinin heç bir maddi imkanı olmadığını sonradan anlayıb və o, bunu etiraf edərək yalan danışdığını deyib.

Müğənninin sözlərinə görə, bütün bunlara baxmayaraq, ailəni qorumaq üçün bir müddət də səbr edib. Lakin zaman keçdikcə maddi sıxıntılar daha da artıb, dolanışıqda ciddi problemlər yaranıb. Üstəlik, həyat yoldaşının tez-tez evdə olmaması, daha çox anasıgildə qalması vəziyyəti daha da çətinləşdirib.

Nəticədə artıq bu münasibətin davam edə bilməyəcəyini anlayan Mina Hüseyn ayrılıq qərarı verdiyini bildirib:

"3-4 ay da dözdüm, amma gördüm ki, bu həyat belə davam edə bilməz. Həm maddi, həm də mənəvi olaraq tükənmişdim. Ona görə də ayrılmaq qərarına gəldim".

Müğənninin bu açıqlaması sosial mediada müxtəlif fikirlərin səslənməsinə səbəb olub və geniş rezonans doğurub.

Musa
Milli.Az