Şou-biznes

Nanə arıqlamağına aydınlıq gətirdi: "Məni tanıyan hər kəs bilir ki..." FOTO

29 Yanvar 2026 10:45

Baxış: 678

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MARAQLI #APARICI

Xəbər verdiyimiz kimi, tanınmış aparıcı Nanə Ağamalıyeva Xalq artisti Aygün Kazımovanın ad günü münasibətilə təşkil olunan məclisində iştirak edib.Gecəyə mavi rəngli qısa libasda qatılan Nanənin zərif görünüşü diqqətdən yayınmayıb. Aparıcının görünüşü müzakirə mövzusuna çevrilib.

Milli.az xəbər verir ki, aparıcı çəki atmasını sağlam qidalanması ilə əlaqələndirərək sosial media hesabında bununla bağlı paylaşım edib:

Nanə daha arıqlayıb "iynəyə sap" oldu - VİDEO

"Azərbaycan Dövlət Tibb Universitetinin məzunuyam və bununla hər zaman qürur duymuşam.
Məni tanıyan hər kəs bilir ki, həkim olaraq sağlam və düzgün həyat tərzinə həmişə üstünlük vermişəm. Amma məni tanımayanların da diqqətinə çatdırmaq istəyirəm ki, sağlamlıq ilk növbədə ruhdan başlayır. Ruhu sağlam olan insanlar həyata, daha işıqlı və daha güclü baxırlar.

Həyata baxışınız sizin aynanızdır. Sağlam yaşayın, sağlam qidalanın, idmanla məşğul olun. Bədənimizi idarə edən enerjidir və yalnız o enerjini hərəkətə gətirdikdə insan öz həyatı ilə bağlı yeni, doğru qərarlar verməyə başlayır.

Bu həyatı, bu ömrü bizə bəxş edən Allahdır. Həyatınızı, düzəninizi, ömrünüzü gözəlləşdirməyə tələsin. Mən həm həyatımdan, həm də Allahımdan hər zaman çox razıyam. İstədiyim hər nə varsa, artıqlaması ilə mənə bəxş edib. Sizin dünya boyda sevginizin qarşısında baş əyirəm, çox sağ olun. Sizin sevginiz məni hər zaman belə gözəl, ideal formada qalmaq üçün həvəsləndirir. Allaha çox şükür edirəm" .

Fidan
Milli.Az