Şou-biznes

"Yarıçılpaq, tərbiyəsiz müğənniləri niyə toylarınıza çağırırsınız?"

25 Yanvar 2026 17:47

Baxış: 2 133

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #TOY #QALMAQAL #AİLƏ #MÜĞƏNNİ

Müğənni Ofelya Şabanovanın efirlərlə və bəzi ifaçılarla bağlı səsləndirdiyi sərt açıqlamalar sosial şəbəkələrdə geniş rezonans doğurub.

Milli.Az xəbər verir ki, onun bu mövzuda dedikləri qısa müddətdə gündəmə çevrilərək müzakirələrə səbəb olub.

Ofelya Şabanova bildirib ki, efirlər sənəti və mədəniyyəti təbliğ etməli olduğu halda, bəzi hallarda tam əks mənzərə müşahidə olunur:

"Efirlər sənətimizi göstərmək üçün olmalıdır. Amma görürsən, televiziyalar gəlib şərəfsiz, yarıçılpaq vəziyyətdə olan hansısa ifaçını efirə çıxarırlar. Ora-burasını yığıdırıb gəlib oturur, ayağını ayağının üstünə qoyur. Ən zəhləm getdiyim şeydir. Onlara baxanda qadın olmağımdan utanıram. Ailədən, şərəfdən uzaq davranışdır və məni ən çox narahat edən də budur".

Müğənni qeyd edib ki, bu cür görüntülər ona qadın olaraq mənfi təsir edir:

"Onlara baxanda qadın olmaqdan utanıram. Belə müğənniləri ailə məclislərinə, toylarınıza niyə dəvət edirsiniz? Sonra da deyirsiniz ki, ailəmiz dağıldı, hansısa müğənni ilə bir yerdədir."

O, sponsorluq mövzusuna da toxunaraq sərt fikirlər səsləndirib:

"Sponsorlar nələr verdi deyirlər. Ərlərinizin qarşısında niyə oxudursunuz? O adam balanıza toyda xeyir-dua verir. Amma özü xoşbəxt olmayan, Allahını unudub əxlaqsız həyat yaşayan, sponsorlarla bədən yığdıran bir insanın xeyir-duası qəbul olmaz".

Ofelya Şabanova çıxışının sonunda vurğulayıb ki, kübar və tərbiyəli insan belə ifaçıları toy və məclislərə dəvət etməməlidir.

Müğənninin bu qalmaqallı sözləri sosial şəbəkəgündəm olub.

Musa
Milli.Az