Şou-biznes

Hikmətin serialı ilə bağlı QƏRAR VERİLDİ

22 Yanvar 2026 13:41
Baxış: 1 971
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #SERİALLAR #QALMAQAL #TV #AKTYOR

Xəbər verdiyimiz kimi, "Səkkiz" serialının quruluşçu rejissoru və baş rol ifaçısı Hikmət Rəhimov serialınının yayımnını dayandırıldığını bildirmişdi.

Milli.Az xəbər verir ki, aktyor ekran işinin yayımının bərpa olunduğunu açıqlayıb:

"Şükür "Səkkiz" qayıtdı.Yayımı bərpa olundu. Dövlət həm yaradıcı heyətə,həm tamaşaçıların maraq və istəklərinə müsbət cavab verdi. Buna görə həm öz adımdan,həm yaradıcı heyətə adından onlara təşəkkürümüzü bildiririk. Ədalətli qərar verən, Azərbaycan kino və serialının inkişafını dəstəkləyən hər kəsə sonsuz minnətdarıq. Qoyulan hər bir senzura qadağası incəsənətin inkişafına maneə olan amildir. Biz bütün qanunlara hörmətlə yanaşırıq.
Bu yolda mənə ilk gündən inanan və bu işi həyata keçirmək üçün şərait yaradan, hər bir halda məni dəstəkləyən prodüser İslamAğaya təşəkkürümü bildirirəm.
Televiziyada "Səkkiz"in ikinci bölümü nümayiş olunacaq. Sonda hər şey üçün Allaha sonsuz təşəkkürlər".

Qeyd edək ki, psixoloji triller janrında çəkilib və 12 seriyadan ibarət olan "Səkkiz" serialı bir neçə gün əvvəl serialın ilk bölümündə qeyri-etik ifadələrin işlədildiyi üçün ARB kanalı cəzalandırılıb. Audiovizual Şuranın kanalın yayımının müvəqqəti dayandırılacağını açıqlayıb. Bildirilib ki, qurum həmin kadrları "Media haqqında" qanunun tələblərinə zidd sayıb. Nəticədə "ARB" kanalının yayımının 3 saatlıq dayandırılmasına qərar verilib. Həmçinin serialının "Park Cinema"da yayımı da dayandırılmışdı. Bununla bağlı kinoteatrın sosial şəbəkə hesabında məlumat paylaşmışdı.

Tural
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.