Şou-biznes

"Elə bilirdim ki, qadın sevəndə gözəlləşir"

16 Yanvar 2026 17:35

Baxış: 5 487

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #ŞOU #QADIN

Müğənni Rahidə Baxışova "Öz aramızda" verilişində şəxsi həyatı ilə bağlı diqqətçəkən açıqlamalar verib.

Milli.Az xəbər verir ki, o, sevgi və münasibətlər mövzusunda yaşadıqlarını səmimi şəkildə bölüşüb.

Rahidə Baxışova bildirib ki, qadın sevəndə əziyyət çəkir:

"Qadın sevəndə əziyyət çəkir, heç də gözəlləşmir. Bunu təkcə öz həyatımda yox, ətrafımdakı insanlarda da görmüşəm. Sevmək mövzusu mənim üçün artıq bağlanıb. Özüm də çox əziyyət çəkmişəm".

Müğənni vurğulayıb ki, sevgi insanı xoşbəxt etməli, qarşı tərəfdən zövq almağa səbəb olmalıdır:

"İnsan sevəndə qarşısındakının söhbətindən, davranışından zövq almalıdır. Qarşı tərəfi özündən çox sevmək düzgün deyil. Ən gözəl sevgi insanın özünə olan sevgisidir".

O, övlad sevgisinə də toxunaraq maraqlı fikir səsləndirib:

"Hətta övladın belə səni özündən çox sevə bilməz".

Rahidə Baxışova oxuduğu bir yazını xatırladıb:

"Bir yazıda oxumuşdum ki, kişi qadın kimi sevərsə, onu sevir. Qadın kişini sevəndə kişi özünü sevir, qadın özünü sevəndə isə kişi onu sevir. Bu fikir çox xoşuma gəldi. Bu, digər münasibətlərə də aiddir. Fədakar olanın çox vaxt qiyməti bilinmir".

Sənətçi sonda illər əvvəl münasibətlərin daha səmimi olduğunu qeyd edib:

"25 il əvvəl dostluq, sevgi, hörmət var idi, indi isə demək olar ki, yox səviyyəsindədir. Bu yaşa qədər hamı üçün qaçdım, amma görünmədi".

Müğənninin bu fikirləri veriliş izləyiciləri arasında geniş müzakirələrə səbəb olub.

Musa
Milli.Az