Şou-biznes

"Ərləriniz evə gəlmirsə, günahkar mən deyiləm"

16 Yanvar 2026 09:45
Baxış: 8 187
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #SOSİAL ŞƏBƏKƏLƏR #QALMAQAL #AİLƏ #ŞOU

Müğənni Qumral Musayeva qalmaqallı açıqlamaları ilə diqqət mərkəzinə düşüb.

Milli.Az xəbər verir ki, ifaçı qonaq olduğu "Rəngarəng" verilişində ona ünvanlanan mənfi şərhlərə sərt cavab verib. Qumral bildirib ki, insanlara irad bildirməzdən əvvəl hər kəs ilk növbədə özünə və ailəsinə baxmalıdır:

"Hamı əvvəl özünə, ailəsinə baxsın, sonra kimisə qınayıb pis sözlər yazsın. Evdə ərindən gün görməyən xanımlar aqressiyanızı mənə tökməyin. Ərləriniz evə gəlmirsə, bu mənim günahım deyil".

Müğənni açıqlamasında özünü həm səhnədə, həm də həyatda fərqli qadın kimi dəyərləndirib və evdar qadınlarla bağlı da tənqidi fikirlər səsləndirib:

"İndiki zamanda mənim kimi xanımlar barmaqla sayılacaq qədər azdır. Elə evdar xanımlar var ki, işləmirlər, evdədirlər, amma evlərinə gedəndə qab-qacaq çirkli qalır, yemək olmur, uşaqlarına baxmır. Bəziləri günün böyük hissəsini telefonda keçirir, amma uşaqlarının günorta nə yediyini, meyvə yeyib-yemədiyini belə bilmirlər".

Qumral Musayevanın bu sözləri sosial şəbəkələrdə geniş müzakirələrə səbəb olub. İzləyicilərin bir qismi onun fikirlərini dəstəkləsə də, digərləri açıqlamaları sərt və ümumiləşdirilmiş hesab edərək tənqid ediblər.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.