Şou-biznes

"Gündə 5 dəfə yeyirəm, 13 kilo ARIQLAMIŞAM"

12 Yanvar 2026 13:50

Baxış: 8 874

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #ŞOU #SAĞLAM QİDA

Müğənni Roza Zərgərli son görünüşü ilə diqqət çəkib.

Milli.Az xəbər verir ki, "Öz aramızda" verilişində qonaq olan estrada ulduzu 13 kiloqram çəki itirdiyini açıqlayaraq, bu nəticəyə sağlam və əməliyyatsız şəkildə nail olduğunu bildirib.

Məşhurluğu ölkə hüdudlarını aşan sənətçi arıqlama prosesi ilə bağlı açıqlamasında hər hansı cərrahi müdaxilə və ya idman proqramına müraciət etmədiyini vurğulayıb. Onun sözlərinə görə, əsas nəticə düzgün qidalanma və nizamlı pəhriz hesabına əldə olunub.

Roza Zərgərli qeyd edib ki, gün ərzində az-az, lakin tez-tez qidalanır:

"Heç bir əməliyyat etdirməmişəm, idman da etmirəm. Sadəcə düzgün pəhriz və qidalanma ilə bu nəticəni əldə etdim. Gün ərzində 5 dəfə, az miqdarda və təxminən iki saatdan bir yemək yeyirəm. Çox işləməyim də təsir göstərir".

Müğənni əlavə edib ki, bir vaxtlar gecə yemək vərdişinə alışdığı üçün sürətlə kökəlmişdi:

"Gecələr yeməyə başlamışdım və bu, çəki artımına səbəb olmuşdu. İndi isə axşam saat 7-yə qədər qidalanıram. Hələ 2-3 kilo kökəlmişəm, amma proses davam edir".

Sənətçi bildirib ki, sağlam arıqlama yolunu seçməsi onun həm fiziki, həm də psixoloji durumuna müsbət təsir göstərib.

Musa
Milli.Az