Şou-biznes

"Vidadi Bərdəlinin sənəti məndə olsaydı, "dünyanı dağıdardım""

9 Yanvar 2026 09:48

Baxış: 2 633

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MƏŞHURLAR #MÜĞƏNNİ #ŞOU

Müğənni Manaf Ağayev "Rəngarəng" verilişində səmimi açıqlamaları ilə diqqət çəkib.

Milli.Az xəbər verir ki, ifaçı mərhum sənətkar Vidadi Bərdəli ilə bağlı xatirələrini bölüşərək onun sənətinə yüksək qiymət verib.

Ağayev bildirib ki, söhbət Bakı kəndlərindən birində keçirilən toy məclisində lentə alınmış və sosial şəbəkələrdə yayılan videodan gedir. Həmin toyda Yaqub Əmirov, Arif Babayev, Könül Xasıyeva, Zabit Nəbizadə kimi tanınmış sənətçilərin də iştirak etdiyini xatırladan müğənni, Vidadi Bərdəlini yaxın dostu adlandırıb.

Manaf Ağayev qeyd edib ki, Vidadi Bərdəli böyük sənət və səs sahibi olsa da, onun dəyəri lazımi qədər verilməyib:

"Düzdür, özünün də günahı vardı. Amma Vidadi mənim yaxın dostum olub. Onun sənəti, səsi məndə olsaydı, and olsun "dünyanı dağıdardım". Ondan o yana sənət yoxdur".

İfaçı daha sonra iddialı fikirləri ilə diqqət çəkib:

"Beş Manaf ona çata bilməzdi. Ustad ola bilərlər, amma heç kim deyə bilməz ki, mənim sənətim Vidadidən üstündür. Hamısını 'nakaut' edər".

Manaf Ağayevin bu açıqlamaları verilişdən sonra sosial şəbəkələrdə geniş müzakirələrə səbəb olub.

Musa
Milli.Az