Şou-biznes

"Könül Kərimova dəfələrlə süfrəmin başında əyləşib, bir mesaj belə YAZMADI"

7 Yanvar 2026 16:13

Baxış: 2 414

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MÜĞƏNNİ #ƏMƏKDAR ARTİST #ŞOU

Müğənni Rəqsanə İsmayılova "Tarixin bir günü" verilişində qonaq olarkən diqqətçəkən açıqlamalar verib.

Milli.Az-ın məlumatına görə, sənətçi bildirib ki, Elnarə Abdullayeva və Könül Kərimova ilə əlaqəni kəsib. Onun sözlərinə görə, həmkarları Moskvadakı evində dəfələrlə qonaq olub, süfrəsində çörək kəsiblər. Lakin Rəqsanə İsmayılova həbsdən çıxdıqdan sonra onların bir dəfə də olsun maraqlanmadığını deyib:

"İnsanın nə qədər adamı olsa da, gözü qapıda qalır. Mən Elnarə Abdullayevadan çox incimişəm. Sənətinə hörmətim var, yanına gedib muğam öyrənmişəm, Moskvadakı konsertində iştirak edib dəstək olmuşam. Könül Kərimova ilə də münasibətlərimiz yaxşı olub, dəfələrlə süfrəmin başında əyləşib".

Müğənni aparıcıların "Rəqsanəni axtarmışıq" deyənlərə də münasibət bildirib:

"Məni axtarmaq yox, o çətin günlərdə anamla maraqlanmaq lazım idi. Onun ehtiyacı var idi".

Rəqsanə İsmayılova vurğulayıb ki, özü hər zaman insanların dar günündə yanında olub, hətta ehtiyacı olanlara anasından da göndərişlər edib:

"Elə insanam ki, hamının çətin günündə yanında olmuşam. Aanamı belə köməyə göndərmişəm. Ona görə də hər birindən incimişəm".

Onun bu açıqlamaları sosial şəbəkələrdə və tamaşaçılar arasında geniş müzakirələrə səbəb olub.

Musa
Milli.Az