Şou-biznes

Balaəli yeni doğulan OĞLU İLƏ - VİDEO

26 Dekabr 2025 13:16

Baxış: 14 233

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #MƏŞHURLAR #AİLƏ #ŞOU

Meyxanaçı Balaəli Maştağalı yeni dünyaya gələn oğul övladı ilə bağlı maraqlı açıqlamalar verib.

Milli.Az xəbər verir ki, o, uzun müddətdir oğul övladı arzuladığını bildirib.

Bunun səbəbini isə özü belə izah edib: uşaqlıqda futbolçu olmaq istədiyini, Tofiq Bəhramov adına stadionda 16-17 yaşına qədər futbol oynadığını deyən Balaəli, bu arzusunu reallaşdıra bilmədiyini vurğulayıb.

Söz ustası qeyd edib ki, əgər oğlu futbolçu olsa, bundan çox sevinər:

"Oğlum futbolçu olsa, çox xoşbəxt olaram. Klubunun da 'Qarabağ' olmasını istərəm. Qurban müəllimə tapşıraram, necə məsləhət bilsə, yönləndirər. Amma bu, bizim arzumuzdur, Allahın işidir. Bəlkə də meyxanaçı oldu", - deyə o bildirib.

Balaəli əlavə edib ki, istəməzdi oğlunun taleyi onun taleyi ilə eyni olsun:

"Ona görə oğul övladı arzulayırdım ki, özümün həyata keçirə bilmədiyim arzularımı onda görüm".

Meyxanaçı oğluna seçdiyi qeyri-adi addan da danışıb. Onun sözlərinə görə, övladına atasının adını verib:

"Oğlumun adı Oktaydır. Atamın adını vermişəm. Mən isə Ogeday formasını seçdim, kökü elədiirr mənası eynidir. Düşünürəm ki, Azərbaycanda bu adla başqa biri yoxdur. Ailə qurmadan əvvəl də bu adı bəyənirdim. Hətta əvvəllər düşünürdüm ki, əkiz oğlum olsa, adlarını Həsən və Hüseyn qoyaram".

Sonda Balaəli Maştağalı bildirib ki, övladları arasında heç vaxt fərq qoymur və qızı ilə oğlunu eyni dərəcədə sevir.

Musa
Milli.Az