Şou-biznes

“Friends”in aktyoru vəfat etdi - FOTO

25 Dekabr 2025 00:40

Baxış: 2 613

VTB-də minimal faiz dərəcəsi ilə nağd kredit 9.9%-dən

#SERİALLAR #AKTYOR

Məşhur amerikalı aktyor Pet Finn xərçənglə uzun sürən mübarizədən sonra 60 yaşında dünyasını dəyişib.

Milli.Az xəbər verir ki, Pet Finn tamaşaçılara daha çox ABC kanalının məşhur sitkomu olan "The Middle" serialındakı Bil Norvud (2011-2018) rolu ilə tanış idi.

Bundan əlavə, o, 90-cı illərin hit seriallarında yadda qalan obrazlar canlandırıb: "Seinfeld" serialında Co Mayo; "Friends" serialında Monikanın (Kortni Koks) sevgilisi həkim Rocer; "The George Wendt Show" və "Murphy Brown" kimi layihələrdə əsas rollar.

Finnin 35 illik həyat yoldaşı Donna və üç övladı qalıb.

Aktyorun nümayəndəsi "New York Post"a verdiyi açıqlamada Finnin xəstəliyi barədə bunları deyib: "Pet 2022-ci ildə sidik kisəsi xərçəngi ilə mübarizə apardı və xəstəlik geriləmişdi. Lakin xərçəng yenidən qayıtdı və metastaz verdi. O, sözün əsl mənasında bir döyüşçü idi."

Qeyd edək ki, aktyor "Friends" serialında Monikanın sevgilisi Dr. Rocer rolunu oynayıb.

Lalə Qüdrətova
Milli.Az