Şou-biznes

Türkiyəli məşhur aktyor vəfat etdi - FOTO

24 Dekabr 2025 00:08

Baxış: 531

VTB-də minimal faiz dərəcəsi ilə nağd kredit 10.49%-dən

#AKTYOR #TÜRKİYƏ ŞOUBİZNESİ

Türkiyəli tanınmış aktyor, rejissor və dramaturq Nedret Denizhan dünyasını dəyişib.

Milli.Az xəbər verir ki, aktyorun vəfatı ilə bağlı İstanbul Böyükşəhər Bələdiyyəsinin Şəhər Teatrları rəsmi açıqlama yayıb. Açıqlamada bildirilib:

"Teatrımızın ustad sənətkarlarından olan Nedret Denizhanı itirməyin dərin üzüntüsünü yaşayırıq. Kədərli ailəsinə, bütün sevənlərinə və Türk teatrına səbir diləyirik."

1946-cı ildə İstanbulda doğulan sənətçi teatr fəaliyyətinə cəmi 8 yaşında İBB Şəhər Teatrlarının uşaq bölməsində başlayıb.

Bir müddət Şəhər Operasında rejissor assistenti kimi çalışıb, operettalarda rol alıb. Operanın bağlanmasından sonra yenidən Şəhər Teatrlarına qayıdaraq aktyorluqla yanaşı, səhnə direktoru vəzifəsini icra edib.

1974-cü ildə böyük ustad Muhsin Ertuğrul tərəfindən təhsil üçün Almaniyaya göndərilib. 1977-ci ildən etibarən peşəkar rejissorluğa başlayıb.

Yaradıcılıq İrsi: O, "Yaprak Dökümü", "Vişne Bahçesi", "Cibali Karakolu", "Figaro'nun Düğünü" kimi onlarla məşhur tamaşanın rejissoru olub. Həmçinin "Yerma", "Cyrano de Bergerac" və "Venedik Taciri" kimi mühüm klassik əsərlərdə yadda qalan obrazlar canlandırıb.

Lalə Qüdrətova
Milli.Az