Şou-biznes

“Hər paltarın bir xatirəsi var” - Xalq artisti

23 Dekabr 2025 20:00
Baxış: 969
VTB-də minimal faiz dərəcəsi ilə nağd kredit 9.9%-dən

Xalq artisti Nazpəri Dostəliyeva səhnə və şəxsi geyimlərindən ibarət xüsusi layihə üzərində çalışdığını açıqlayıb.

Milli.Az xəbər verir ki müğənni "Qonaqcanlı" proqramında çıxışı zamanı bildirib ki, illər ərzində topladığı libasların hər biri onun üçün ayrı bir xatirədir. Nazpəri Dostəliyeva qeyd edib ki, bəzən ailə qurmağa hazırlaşan gənc qızlar toy mərasimində onun geyimlərini geyinmək arzusu ilə müraciət edirlər.

Sənətçi bildirib ki, belə hallardan birində gəlin olmaq istəyən xanıma libasını sadəcə istifadə üçün deyil, hədiyyə olaraq verib: "İndi həmin xanım xoşbəxt bir ailə həyatı yaşayır. Şəhərdəki qarderobum o qədər zəngindir ki, ora daxil olmaq belə çətindir. Hər geyimin öz hekayəsi var, hər konsert üçün ayrıca libas seçmişəm".

Nazpəri Dostəliyeva əlavə edib ki, məhz bu xatirələrə görə geyimlərini əhatə edən xüsusi bir təqdimat və layihə yaxın vaxtlarda ictimaiyyətə təqdim olunacaq.

Asya
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.