Şou-biznes

“Güllü”nün qızı həbsdə ilk dəfə danışdı - FOTO

22 Dekabr 2025 13:00

Baxış: 604

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MÜĞƏNNİ

Müğənni Güllünün ölümü ilə bağlı aparılan istintaq çərçivəsində "qəsdən adam öldürmə" ittihamı ilə həbs edilən qızı Tuğyan Ülkəm Gülter həbsxanadan açıqlama verib.

Milli.Az xəbər verir ki, "Habertürk"ə danışan Gülter ona qarşı irəli sürülən ittihamları təkzib edərək günahsız olduğunu bildirib:

"Vicdanım rahatdır. Susacağımı düşünənlərin vicdanı təmizdirmi?"

Gülter hadisə gecəsi ilə bağlı onu ittiham edən dostu Sultan Nur Uludan böyük məyusluq yaşadığını deyib və öz üzərinə günah götürməyəcəyini vurğulayıb. Anasının məzarını ziyarət edərkən "qatil" damğası ilə üzləşdiyini söyləyən Gülter bu prosesin onun üçün "zülm" olduğunu qeyd edib.

O, ittihamların müəyyən şəxslərdən başladığını iddia edərək ədalətin gec-tez yerini tapacağına inandığını bildirib. Qardaşı Tuğberkin ifadələrinə də toxunan Gülter ailə bağlarının zədələnməyəcəyini vurğulayıb:
"Mən Güllünün qızıyam. Onun kimi möhkəm dayanacağam" .

Xatırladaq ki, hadisə bu ilin sentyabr ayının 26-da baş verib. Müğənni Güllünün 6-cı mərtəbədən yıxılaraq öldüyü ehtimal olunurdu, lakin, qəsdən öldürüldüyü üzə çıxıb.

Fidan
Milli.Az