Şou-biznes

Pərvin: “O kişidən nə ər, nə də ata olmayacaq"

20 Dekabr 2025 17:32

Baxış: 627

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MƏŞHURLAR #AİLƏ #ŞOU #AKTRİSA

Aktrisa Pərvin Abıyeva "Öz aramızda" verilişində qadın hesabına həyatını qurmaq istəyən kişilərlə bağlı sərt fikirlər səsləndirib.

Milli.Az xəbər verir ki, sənətçi bu cür kişilərə qarşı münasibətinin qəti olduğunu bildirib.

P.Abıyeva qeyd edib ki, qadının puluna göz dikən, onun hesabına irəli getmək istəyən kişiləri kişi kimi qəbul etmir:

"Qadın hesabına irəli getmək istəyənlərə, qadının puluna göz dikənlərə kişi kimi baxmıram. İndi belə kişilərin sayı çox artıb. Qadının hesabına yaşayan kişidən gələcəkdə nə ailə başçısı olar, nə də ata".

Aktrisanın sözlərinə görə, kişi hansı şəraitdə olmasından asılı olmayaraq, pul qazanmağı bacarmalıdır:

"Kişi nə olursa olsun, pul qazanmağı bacarmalıdır. Bu, onun məsuliyyətidir".

Pərvin Abıyeva kişinin evdə oturmasına tamamilə qarşı olmadığını da vurğulayıb. Lakin bunun müəyyən şərtləri olduğunu bildirib:

"Kişinin evdə oturmasına qarşı deyiləm. Yanımda otursun, evdən işləsin. Mən çox qısqancam. Sevirəmsə, sevdiyim adam yanımda olsa belə, yenə də darıxıram".

Aktrisanın bu açıqlamaları sosial şəbəkələrdə müzakirələrə səbəb olub. Onun qadın-kişi münasibətləri və mövzu ilə bağlı fikirləri izləyicilər tərəfindən birmənalı qarşılanmayıb.

Musa
Milli.Az