Şou-biznes

İbrahim Tatlısesə silahlı hücuma görə tutulandan qəribə TƏLƏB

16 Dekabr 2025 15:45

Baxış: 2 434

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #MƏŞHURLAR #MÜĞƏNNİ #HƏBSXANA #TÜRKİYƏ ŞOUBİZNESİ

2011-ci ildə məşhur müğənni İbrahim Tatlısesə qarşı törədilən silahlı hücum işi üzrə məhkum edilmiş Abdullah Uçmak sosial şəbəkədə etdiyi paylaşım ilə yenidən gündəmə gəlib.

Milli.Az Türkiyə mətbuatına istinadən xəbər verir ki, hazırda həbsdə olan Uçmak şəxsi hesabında yazdığı qeyddə uzunmüddətli cəzasından narazılığını ifadə edib.

O, paylaşımında bu sözlərə yer verib:

"Bu ölkədə heç kim sadə yaralama ittihamı ilə 16 il həbsdə saxlanılmayıb. Azadlığa buraxılmağımı tələb edirəm".

Sözügedən paylaşım qısa müddətdə sosial mediada geniş müzakirələrə yol açıb və müxtəlif reaksiyalarla qarşılanıb.

Qeyd edək ki, Abdullah Uçmak 2011-ci il martın 14-də İbrahim Tatlısesə qarşı həyata keçirilən silahlı hücumun təşkilində iştirak etdiyi üçün məhkəmə hökmü ilə cəzalandırılıb.

Hüseyn
Milli.Az