Şou-biznes

Mənim icazəm olmadan sözə müdaxilə edilməsin - Xalq şairi

29 Noyabr 2025 11:30

Baxış: 2 451

VTB-də minimal faiz dərəcəsi ilə nağd kredit 9.9%-dən

#CƏMİYYƏT #XALQ ŞAİRİ

Xalq şairi Vahid Əziz müğənni Nuranın onun şeirini ifa etməsi ilə bağlı fikir bildirib.

Milli.Az xəbər verir ki, şair xüsusilə şeirin mətninə edilən dəyişikliklərə münasibətini belə ifadə edib:

"Bütün müğənnilər və sənətkarlardan xahiş edirəm ki, əgər qələm əhli həyatdadırsa, onun yazdığına müdaxilə edərkən yəni söz, misra dəyişiləcəksə, mütləq razılıq alınsın. Oxumaq üçün icazə almaq vacib deyil, sağ olsunlar, oxusunlar. Amma sözə müdaxilə razılıqla olmalıdır".

Vahid Əziz bildirib ki, Nuran onun şeirini ifa etməzdən əvvəl ondan icazə almayıb:

"İfanı bəyəndim. Başqa dinamikası, başqa oxunuş tərzi var. Amma o misranı dəyişməməliydi. Əvvəlcədən mənə desəydi, bəlkə ondan da yaxşı bir söz deyərdim".

Qeyd edək ki, söhbət "Ay Yalançı" mahnısından gedir.

Mahnının sözlərində "Lap Tanrı ol, ocağına sürünmərəm, ay yalançı" misrası "Bir də məsum göz yaşına inanmaram, ay yalançı" ilə dəyişdirilib.

Mina Mikayılova
Milli.Az