Şou-biznes

Fatih Ürek arıqlama iynəsinə görə infarkt keçirib? - Həkimi açıqladı

17 Oktyabr 2025 13:43

Baxış: 690

VTB-də yüksək depozit faizleri daha çox qazandırır

#ŞOU-BİZNES #TÜRKİYƏ

Ötən gün evində infarkt keçirən məşhur türk sənətçi Fatih Ürek hazırda reanimasiyada həyat mübarizəsini davam etdirir.

Milli.Az xəbər verir ki, müğənninin həkimi infarktın səbəbi barədə açıqlama verib:

"Evdə xəstələndi. Təcili tibbi yardım briqadası gəldikdən sonra ürəyi dayandı. Ürək masajı 20 dəqiqə davam etdi. Xəstəxanamıza gətirildikdə intubasiya olundu və dərhal tıxanmış damarı açmağa cəhd etdik. İki il əvvəl stent əməliyyatı keçirmişdi. Çox güman ki, qan durulaşdıran dərmanlardan imtina etmişdi. Artıq ürəyində problem yoxdur. Hazırda beyninin oksigenlə təmin olunması ilə bağlı diqqətlə müşahidə edirik" .

Həkim əlavə edib ki, insult riski ürək dayandığı zaman üç dəqiqədən sonra baş verə bilər, amma keyfiyyətli ürək masajı ilə beyin oksigenlə təmin edilib və Ürek hal-hazırda həyati təhlükədən uzaqdır.

Eyni zamanda, mediada ortaya atılan iddialara görə, sənətçi arıqlama iynəsindən istifadə edib və bu iynənin infarktın baş verməsində rol oynaya biləcəyi irəli sürülür.

Hazırda Fatih Ürekin vəziyyəti stabildir.

Fidan
Milli.Az